Larunbat goizean, 10:30etik 13:30era, beratarrek hitzordua izanen dute eskualdeko ekoizleekin Beralandetan, atarian eguraldi ona eginez gero eta barrenean txarra egiten badu. Bertan hainbat produktu erosteko aukera izanen da; gasna, eztia, ukenduak, arroltzeak... Gainera, ekoizleekin zuzeneko harremana izateko aukera paregabea izanen da, beraien produktuei eta lan egiteko moduari buruz solas egiteko.
Berako Udalak eta ekoizle parte-hartzaileek herritarrei bertaratzera animatu diete eta zonaldeko ekoizleak bertan parte hartzera gonbidatu dituzte.