Gau Beltza ospatu zuten Lesakako haur eta gaztetxoek urriaren 31n, igande arratsaldean Harriondoa Kultur Etxeko konbentuan. Udalak antolatuta, 17:00etan, tailerrak egin zituzten (aurpegi margotzeko tailerra, kalabaza hustea, eskulanak, zapiak apaindu…) eta eguzkilore erraldoi bat osatu zuten denen artean. 18:30ean, Txokolate beroa eskaini zen bertaratu zirenentzat. Azkenik, Harrizkoak ipuina entzuteko aukera izan zuten. Parte hartzea espero zena baino altuagoa izan zen.
Udalak eskerrak eman nahi dizkie modu batera edo bertzera arratsaldea antolatzen ibili ziren boluntario guztiei, baita materialak utzi zituztenei ere. «Auzolanaren garrantzia berriz ere nabarmen izan zen, denon artean 'Lesaka garelako'», aipatu dute oharrean.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.