Lesakako Beti Gazte futbol talde nagusiak urriaren 30ean, larunbatean 17:00etan jokatuko du hirugarren mailako partida Azpeitiko Garmendipe zelaian (Gipuzkoa). Beti Gazte elkarteak bazkideetako batzuk jokalariekin batera autobusean partida ikustera joateko aukera ematen du. Zozketa bidez aukeratuko dituzte adinez nagusi diren bazkideak eta hauek 8 euro ordaindu beharko dituzte, autobusaren eta sarreraren truke.
Parte-hartzeko ‘AZPEITIA – IZEN ABIZENAK’ mezua bidali behar dute Beti Gazte elkartearen WhatsApp zenbakira (696 80 98 86). Zozketa ortziralean eginen dute eta azken izen-emateak ortzeguneko 20:00 arte onartuko dituzte. Zozketa egin ondotik emanen dituzte xehetasun gehiago.