Urriaren 29an, Berri Txarrak taldearen Dardara filmaren emanaldiarekin emanen diote hasiera herriko gazteek antolatutako asteburuari. Filma kultur etxean eskainiko dute ortziralean, 19:00etan, eta bi euroko sarrera ordaindu beharko da momentuan.
Biharamunean, larunbatean, mus txapelketa eginen dute frontoian 17:00etan. Izen-ematea 16:30etik aitzinera egin beharko da leku berean.
Segidan patata tortilla txapelketa eginen dute. Hiru laguneko taldetan, patata, arroltzea eta tipula soilik erabiliz egin beharko dituzte tortillak parte-hartzaileek. Bi txapelketen sari banaketaren ondotik, 21:00etan Burrunba elektrotxarangak alaituko ditu ostatu bazterrak.