Berako Kinto besta antolatzen duen taldeak TTIPI-TTAPAra bidalitako oharrean jakinarazi dutenez aurten ez dute kinto bestarik eginen. Oharrean diotenez, duda handiak izan dituzte besta ospatu edo ez, baina, zentzuzkoena bertan behera uztea dela erabaki dute: «Jakin badakigu kinto bestak zer dimentsio hartzen duen eta iruditzen zaigu oraindik ez dela momenturik egokiena».
«Ez ditugu gauzak erdizka egin nahi. Hori dela eta, aurten ere ditugun gogo horiek gorde beharko ditugu eta hurrengo urtean, behar den bezala eta denak elkarrekin ospatzeko lanean hasiko gara», adierazi dute.