Lesakako Beti Gazte futbol talde nagusiak urriaren 16an, larunbatean 17:30ean jokatuko du hirugarren mailako partida Amurrion (Araba). Etxetik kanpo jokatzen duen bosgarren partida izanen da. Aitzineko hiru Bizkaian eta bertzea Gipuzkoan jokatu ondotik, oraingoan Araban jokatuko du lehen partida. Beti Gazte elkarteak bazkideetako batzuk jokalariekin batera autobusean partida ikustera joateko aukera ematen du. Zozketa bidez aukeratuko dituzte adinez nagusi diren bazkideak eta hauek 8 euro ordaindu beharko dituzte, autobusaren eta sarreraren truke.
Parte hartzeko ‘AMURRIO – IZEN ABIZENAK’ mezua bidali behar dute Beti Gazte elkartearen WhatsApp zenbakira (696 80 98 86). Zozketa ortziralean eginen dute eta azken izen-emateak ortziraleko 17:00ak arte onartuko dituzte. Zozketa egin ondotik emanen dituzte xehetasun gehiago.