Igoak ere Gure aldetara. Nafarroako emakume bertsolariak diskoan parte hartu du eta «gogo handiarekin eginiko lana» izan dela azaldu du: «Nafarroako emakume bertsolari zein bertsoarekin lotura dutenen lanak biltzen dituen lan polita da». Bere kasuan, «ilusio handiz» kantatu omen zuen «gure bertsoak bertze lan eder batzuekin elkartzeko eta disko polit hau osatzeko».
«Pixkanaka-pixkanaka Nafarroako emakume bertsolariak leku gehiago hartzen ari dira eta gero eta plaza gehiago»
Bere irudiko, Nafarroako emakume bertsolariek «ez dute plazetan leku aunitzik». Eta horri buelta emateko, etorkizunean «lan gogorra eta luzea» egin beharko dela uste du. Hala ere, «pixkanaka-pixkanaka leku gehiago hartzen ari direla eta gero eta plaza gehiago» izanen dituztelakoan dago.
Bide horretan, «beharrezkoa» iruditzen zaio elkartzea, «bai gure artean gehiago ezagutzeko, baita Nafarroako emakume bertsolariak gehiago ezagutarazteko ere». Eta argi du «diskoa bezalako proiektuek eta diskoaren inguruan sortutako bertso saioek ibilbide honetan bide aunitz irekiko dituztela. Hala espero dut».