Nafarroako Ernaik bi mobilizazio deitu ditu urriaren 12rako, Hispanitatearen Egunerako hain zuzen. 12:30ean Iruñeko Baratxurien plazan elkartuko dira eta 19:00etan Berako Mukixu zubian. Urriak 12 «iragan basatia harrotasunez aldarrikatzeko darabilen eta izaeraz inposizioa eta ukazioa dituen egitasmo politikoa» dela argudiatuz, «espainiar inposizioarekin haustea» ezinbertzekoa ikusten dute Ernaiko gazteek.