Berako Gure Txokoa dantza taldeko entseguak bertan behera utzi ziren pandemiarengatik, baina neurriak aldatu dituztenez, ikasturte berria hasiko dute orain. Izena emateko inkesta bete beharko dute dantzatzen hasi edo segitu nahi duten guztiek, aurreko urteetan taldean egon direnak ere. 2022an 6 urtetik goiti izanen dituen edonork eman dezake izena eta ikastaroa doakoa da. Taldeko partaide izateko Gure Txokoa elkarteko bazkide izatea nahitaezkoa da, honi buruz gehiago jakiteko idatzi guretxokoaelkartea@gmail.com e-Postara. Izena emateko azken eguna urriaren 10a izanen da. Ikastaroan musukoaren erabilera Nafarroako Gobernuaren Foru dekretuak ezartzen duenaren araberakoa izanen da.
Inkestako datu guztiak batuta, taldeak eta irakasleak antolatuta, urriaren bukaeran edo azaroaren hasieran emanen dute ikastaroaren berri apuntatu direnei.