Gaur egun gure herrian badira hainbat talde denbora luzez, kirol eta kultur ekintzak antolatu dituztenak. Azken hilabeteetan bertze talde berri bat martxan jarri da LorHazi izenarekin. Talde honek Igantziko emakumeak bildu nahi ditu eta urtean zehar hainbat ekintza antolatzeko asmoa dute, emakumeen arteko harremanak, sareak eta lankidetzak sustatzeko.
Orain arte, honako jarduera hauek aurrera eraman dituzte, betiere udalak kudeatzen duen Genero-indarkeriaren aurkako estatu-itunaren dirulaguntzarekin: zinema saioa, afrikar dantzak, azaroaren 25eko enkartelada, Emakumea eta gorputza tailerra eta grafiti tailerra.
Ateak zabalik
Gaur egun, LorHaziko jarduerak antolatzeaz arduratzen den taldea herriko bortz emakumek osatzen dute, baina lerro hauetatik taldea bertako kide izan nahi duen edonorentzat irekita dagoela jakinarazi nahi dute.