Aurten ez da Lurraren Eguna ospatuko Beran, haren ordez Azoka Eguna eginen dute, ekitaldi xumeagoa. Hala ere, eguna giro ederrean pasatzeko aukera izanen dute bertaratzen direnak. 10:00etatik 14:00etara postuak ikusgai egonen dira Altzateko eta Merkatu plazan. 17:00etan Olaia Iantzik kontzertua emanen du eta 18:00etan muxikoak izanen dira Kiki Bordatxorekin.
Egun honetan parte hartu nahi duten eskualdeko artisau eta ekoizleek postua paratzeko izena eman beharko dute urriaren 4a baino lehen. Egin klik hemen izen-ematearen galdetegia betetzeko.