Guztira, hiru saiok osatu zuten lehenengo Señora Sariketa. Aurrenekoa Aramaion izan zen, bigarrena Mutrikuko Kalbaixon eta finala Lesakan. Eli Pagola eta Udane Mugerza antolatzaileak elkarrizketatuko dituzte.
Sariketa antolatzerakoan hartutako erabakiak, jarritako helburuak, sailkapen eta epai sistema berria, lehia-ez lehiak sortutako kontraesanak… eta noski, Lesakako finala eta izandako sentsazioak izanen dituzte aipagai aste honetako protagonistek.
Lesakako finaleko bertsoaldiak
Elkarrizketaz gain, Lesakan izandako finaleko bertsoaldien hautaketa zabala ere bilduko du aste honetako programak.