Hizkuntza bimodala (Zeinu hizkuntza + hitzak) ikasteko ikastaroa antolatu du Etxalarko Landagain Guraso Elkarteak. Ikastaro hau LaCaixa Fundazioak emandako dirulaguntzari esker emanen dute eta helburu nagusia, hizkuntza bimodalaren oinarriak ikastea da, egunerokotasunean erabilgarri izateko. Ikastaroa Berako Ane Pachecok eskainiko du larunbat goizetan. Saioak ordu betekoak izanen dira eta parte-hartzen dutenek ez dute deus ordaindu beharko. Izen-ematea landagain.guraso.elkartea@gmail.com e-posta helbidean egin daiteke.