Epaimahaiak azken lau hautagaien artetik aukeratu du Hidrorubber (hasieran 17 ziren), «enpresen lehiakortasuna bilatzen duten kudeaketa-sistemen inplementazioa egiteagatik, horietan lan egiten duten pertsonen garapenean oinarritutako lehiakortasuna bultzatuz, batez ere barne-komunikazioko eta partaidetzako sistemei dagokienez».
Hidrorubber enpresak kautxuzko pieza kritikoak egiten ditu automobilgintzarako. Alkaiagan dago, eta, gainera, ekoizpen-instalazio bat du Italian eta biltegi bat Estatu Batuetan. Guztira 20 milioi euro fakturatzen du (salmenten % 90 esportatzen du) eta 90 langile ditu.
2008an, kultura-aldaketa batekin hasi zen, pertsonak «edozein konpainiak daukan osagairik baliotsu eta konplexuena» erdigunean ezarriz. Hamahiru urte geroago, erreferente bihurtu da Euskal Herri osoan.