Beti Gazte futbol taldeak gaur Urdulizen jokatuko du ligako partida

Estreinekoa Durangon egin ondotik, etxetik kanpoko bigarren partida ere Bizkaian jokatuko du Beti Gaztek, gaur Urdulizen.

Lesakarrak 19:30ean ariko dira Bizkaiko herrian.

Ez dio ongi ekin hirugarren mailako ibilbideari Beti Gazte futbol talde nagusiak. Lehenbiziko bi partidak galdu egin ditu baina gaur bertan izanen du egoera horri buelta emateko aukera, 19:30ean jokatuko baitu ligako hirugarren jardunaldia Urdulizen (Bizkaia), Urduliz futbol taldearen kontra.

Izan ere, kategoria honek aurten duen bertze zailtasunetako bat hori da: zazpi jardunaldi astegunez jokatu beharko dituzte, horietatik lehena gaurkoa. Asteguna besta eguna denean nonbait hor, baina gaur bezalako astegun buruzurietan ere egokituko zaizkie partidak. Horrek zailtasunak ekarri dizkio Joseba Roteta entrenatzaileari deialdia osatzeko, zenbait jokalarik arratsaldez lan egiten dutelako. Horregatik, jubenil mailako jokalariren bat edo bertze sartu da deialdian.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun