Datozen asteotan Larraunen, Elon, Etxalarren eta Garraldan izanen da Moldaera: klima-aldaketaren aurkako beste borroka bat erakusketa, Nafarroako Gobernuaren Landa Garapen eta Ingurumen Departamentuaren eskutik. Irailaren 16an Larraunen izanen da erakusketa, urriaren 1ean Elora joanen da, Etxalarrek urriaren 13an hartuko du eta azaroaren 18an Garraldara mugituko dute.
Aldaketa klimatikoak dakartzan ondorioak azalduko dituzte erakusketa horretan, gizartea prestatzeko eta egokitzen hasteko helburuarekin. Hala ere, mezu argia du; egokitze hoberena gasen isuriaren murrizketa da, gasa baita klima aldaketaren sortzaile handienetako bat. Hainbat herritan ibili da orain arte erakusketa, horien artean Bertizko Parkean.
Nafarroako Gobernuak hainbat proiektu abiatu ditu aldaketa klimatikoak dituen ondorioak murrizteko, haien artean tenperatura altuek osasunean dituzten eragin kaltegarrien kontrako prebentzio plana eta bertako fruta-arbolen eta landareen berreskuratzea.