Nathan Lannelucek irabazi du Nafarroako lehen Disko Golf Irekia Igantzin

Ttipi-Ttapa 2021ko ira. 13a, 20:00
Deskargatu Info Ahotsak :
es en fr

Caparrós, Lanneluc eta Hulden, Nafarroako Disko Golf irekiko lehen podiuma Irrisarrin, Basajauna DiscGolf elkarteko Mikel Ibarrolarekin.

Bortz kategoriatan banatutako 63 kirolarik parte hartu dute asteburu honetan Igantzin.

Asteburu honetan jokatu dute Igantziko Irrisarriko zelaian Nafarroako lehen Disko Golf Irekia, Espainiako Koparako baliagarria. Bortz proba ditu Kopa honek eta Igantzikoa hirugarrena izan da, Oviedo eta Santiagokoaren ondotik. Urrian jokatuko dute laugarren proba Madrilen eta azaroan bosgarrena eta hondarrekoa Palaun (Katalunia).

Igantziko proba Baxi Basajauna Disko Golf Elkarteak antolatu zuen, IrriSarri Land, EuskadiscGolf, Nafarroako Rural Kutxa, CRK Disc Golf eta Zonadiscgolfen laguntzarekin. Modalitate honetako estatu osoko jokalari onenak izan dira asteburu honetan Igantzin, bortz kategoriatan banatutako 63 kirolari.

SAILKAPENAK

Irekia - MPO

  1. Nathan Lanneluc
  2. Mans Hulden
  3. Miguel Caparrós

Amateur MA1

  1. Dani Aguilar
  2. Miguel Espiau
  3. Aidan Young

Emakumeak FA1

  1. Loralie Lanneluc
  2. Marina Román
  3. Carla Martín

Master MA40

  1. Manuel Angel Almeida
  2. Veremundo Rey
  3. Sean Young

Gazteak Junior MJ18

  1. Daniel Cipriano
  2. Iker Soriano

 

Kirola Bortziriak Igantzi

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun