Kale-edanean aritzeko kalteak eragin dituzte Lesakako Irain eskola publikoan asteburu honetan

Sartu ahal izateko hesia bi tokitan puskatu dute eta kristalez beteak agertu pista eta belardia.

Kale-edanean aritzeko Lesakako Irain eskola publikoan egindako kalteak salatu ditu udalak. Igande goizean Foruzaingoa ere joan zen eskolara, ikerketa egitera. Ladis Satrustegi, Lesakako alkateak aipatu digunez, «asteburu honetan gertatutakoa ez da egun solte bateko gertakaria izan. Gure herriko hainbat zonalde eta elementu igande goizetan puskatuak agertzen dira, horrek suposatzen duenarekin. Azken asteburuetan, Irain eskolako patioan ikusten dira kalteak, hala nola bertara sartzeko sarrera puskatuta edo kristalak pistan eta belardian botata. Hesia bi tokitan puskatu dute». Gaur goizean ikasle eta irakasleak eskolan lasai ibili ahal izateko garbiketa lanak egin behar izan dituzte goizean goiz udal langileek.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun