Hainbat arlotan eman daiteke laguntza; bidegurutzetan chek-in egiteko; horniduran laguntzeko; irteeran eta helmugan egoteko edota nahi den guztian laguntzeko. Horretarako prest daudenek Beti Gazterekin harremanean jarri behar dute, erraterako WhatsApp zenbakia erabiliz (696 80 98 86).
Izen-ematea zabalik
Irailaren 19an, 09:00etan abiatuko dira Harriondoatik eta 53,69 eta 23,79 kilometro luzeko ibilbideak izanen dituzte txirrindulariek aukeran, 1.623 eta 742 metroko desnibela dutenak, hurrenez hurren. Izen-ematea www.kirolprobak.com atarian egin daiteke irailaren 17ra arte.
Txirrindulari federatuek 17 euro ordaindu beharko dute eta ez federatuek 20 euro; Beti Gazteko bazkide federatuek 12 euro ordainduko dute eta Beti Gazteko bazkide ez federatuek 15 euro. Adin txikikoek gurasoen baimena aurkeztu beharko dute, Beti Gazteko web orrian topatu dezaketena.