Etxalarko udalak gaur egin duen lehen enkantean, usategietako 21 postuetatik 18 esleitu ditu 39.650 eurotan

Gaur esleitutako 18 postuengatik gutienez 39.650 euro bilduko ditu udalak, guztiengatik aurreikusitakoa baino 4.260 euro gehiago.

Larunbat eguerdian egin dute Kultur Etxean Etxalarko Usategietako postuen lehen enkantea. Denera 21 ehiza postu esleitzen zituzten eta horietatik 3 hutsik gelditu dira. Gainerako 18 postuengatik gutienez 39.650 euro bilduko ditu udalak, guztiengatik aurreikusitakoa baino 4.260 euro gehiago. Orain sesta emateko prozedura irekitzen da, eta sei egun naturaleko epea dute sasoi honetan Iarmendi mendira ehizatzera joan nahi dutenek gaur egin diren behin-behineko esleipenak hobetzeko. Horrekin, bigarren enkantea eginen da irailaren 14an (asteartea) arratsaldeko 7etan.    Argazkiak: Irune Elizagoien

Bertze urtetan bezala, bi posturik garestienak zortzigarrena eta hamaikagarrena, bakoitza 3.380 eurotan atera dituzte. Azkenean, tasatutako prezioan esleitu dute zortzigarrena eta hamaikagarrena, aldiz, 121 tanto hobetu eta 4.590 eurotan esleitu dute. Dena den, hamabigarren postua da gehien hobetu dutena 1.710 eurotik 3.450 eurotara altxatuz. Hutsean gelditu dira 15, 16 eta 17. postuak hutsean gelditu dira.

Emandako 18 postuengatik gutienez 39.650 euro hartuko ditu Etxalarko Udalak, aurreikusitakoa baino 4.260 euro gehiago, eta, ikusi behar, gaur hutsean gelditu diren postuak bigarren enkantean ere hutsik gelditzen diren. Gogoratu behar da 2000. urtean 50.000 euro lortu zituela Etxalarko Udalak eta 2004an 81.875 euro.

Irailaren 1oean, heldu den ortzirale eguerdiko 12etan bukatzen da sesteorako aukera (prezioaren seiren bat igo beharko litzateke gutienez) eta hutsean gelditutako 7 postuak eta sesteoan mejora izan dutenekin, berriz eginen da enkantea irailaren 14an, asteartea, arratsaldeko 7etan.

EHIZA-POSTUEN LEHEN ENKANTEA 2021
Postuak Tasazioa Errematatea
1. postua 950,00 1.390,00
2. postua 950,00 2.490,00
3. postua 2.285,00 2.285,00
4. postua 1.780,00 1.780,00
5. postua 2.285,00 2.285,00
6. postua 1.780,00 1.780,00
7. postua 2.285,00 2.285,00
8. postua 3.380,00 3.380,00
9. postua 2.305,00 3.105,00
10. postua 2.305,00 2.965,00
11. postua 3.380,00 4.590,00
12. postua 1.710,00 3.450,00
13. postua 1.505,00 1.505,00
14. postua 950,00 950,00
15. postua 950,00 0,00
16. postua 740,00 0,00
17. postua 740,00 0,00
18. postua 740,00 740,00
19. postua 950,00 1.250,00
20. postua 1.710,00 1.710,00
21. postua 1.710,00 1.710,00
  35.390,00 39.650,00

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun