Lesakako Udal Musika Eskolan matrikulatzeko epea aste honetan ireki dute eta hurrengo ortziralea izanen da izena emateko azken eguna. Hauek dira matrikula egin beharko duten ikasleak:
- Ikasle berriak (5 urtekoak, 2016an sortuak eta zaharragoak)
- Instrumentua aukeratu behar dutenak, joan den ikasturtean Musika eta Mugimendua II egin zutenak (plazak mugatuak dira aurten, hortaz, ikasle bakoitzak hiru instrumentu aukeratu beharko ditu)
- Helduen Tailerra edo bertze ikasgaiak (informatika musikala, armonia...) egin nahi dituztenak, 13 urtetik goiti
- Gazte eta helduen musika taldeak, 13 urtetik goiti
- Maiatzean baja eman eta berriz ere apuntatu nahi dutenak
- Behar bereziak dituzten haurrentzat klase egokituak
Matrikula Lesakako Herriko Etxean egin daiteke, astelehenetik ortziralera 08:00etatik 14:00etara, edo Internet bidez www.lesaka.eus web orrian. Egin klik hemen matrikula orria lortzeko.