Irailaren 4an gaztainak txertatzeko ikastaroa izanen da Arantzan. Egun osoko jarduna izanen dute, 08:30ean hasiko da kanpoan alde praktikoarekin eta 16:00etan alde teorikoa emanen dute eskolako gimnasioan. Efren Martin adituak gidatuko ditu zereginak eta berarekin batera Joseba Ibargurengoitia Euskal Herriko Hazien Sareko ordezkaria eta Mikel Diaz gobernuko teknikaria izanen dira. Txerto motak izanen dituzte hizpide aldi honetan, uda akabailako garai honetara egokituak.
Udaberri hasieran egindako saioan parte hartu zutenekin harremanetan jarriko da udala ikastaro honen berri emateko. Bertze norbaitek interesa izanez gero, udaletxean eman beharko du izena. Herritarrek lehentasuna izanen dute eta aukera izanez gero, herrikoak ez direnek ere eman ahal izango dute izena.