Jaime Alvarellos Correcher abeslaria, gitarrista eta musika irakaslea da, 'Gitarra Jazz' espezialitatean titulatua. Blues, ragtime eta soul musika jotzen du batez ere, eta hainbat jaialditan jo du, bertzeak bertze, TolosandBlues, Cameron Blues, Burlata Blues eta Udazkena Bluesen.
Raw bere bakarko lehen lana aurkeztuko du Beran, bluesaren klasiko handien eta joan den mendearen lehen erdiko Piedmont estiloaren artean hautatutako 14 abestiz osatutako diskoa. Mississippi Blues abestia da horietako bat.