Ez zen jendetza handiegirik bildu Eztegaran, baina bertaratutakoek bi partida eder ikusi zituzten, batez ere txapelketakoa. Lehenbizikoan, urdinez aritu ziren Zabalak eta Erostarbek 22-12 irabazi zieten Agirre eta Larunberi.
Txapelketako partidan, eskua minduta daukan Jokin Altunaren ordez Unai Laso aritu zen eta bere sasoi-puntu bikaina nabarmen utzi zuen. Arangurenekin bikote eginez 22-15 irabazi zien Urrutikoetxeari eta Martijaren ordez aritu zen Bikuñari.
Partiden ondotik, herriko pilota eskolako haurrek pilotariei autografoak eskatzeko eta beraiekin argazkiak ateratzeko aukera izan zuten.