Asteburua abiatzeko, abuztuaren 13an, Bankako Menditarrak-en kantaldia izanen da plazan. Biharamunean, abuztuaren 14an, herri kirol saioa izanen da: emakumezkoen Nafarroako arpana txapelketaren eta gizonezkoen bigarren mailako aizkora txapelketaren kanporaketak jokatuko dira. Hitzordua, 17:00etan izanen da frontoian. Ondotik, 19:30ean plazan, bertso saioa izanen da Sebastian Lizaso, Amaia Agirre, Ekhiñe Zapiain eta Sustrai Colinarekin.
Aste hondarra borobiltzeko, abuztuaren 15ean, alde batetik pilota partidak izanen dira frontoian, eta bertzetik, ilunabarrean, 20:00etan Txamukos taldearen emanaldia izanen da plazan.