Bera herria bortz eremutan banatu dute: Altzate; Legia, Kanttonberri eta Eztegara; Bera; Agerra eta baserriak (Garaitarreta, Eltzaurdia, Suspela, Suspelttiki eta Zalain). Gune bakoitzeko saritu bat (bi lagunentzako afaria elkarteko jatetxe batean) eta aipamen bat (Larun Haizpeko kideen produktuez osatutako lotea) izan dira. Honela, Altzaten, sari nagusia Telletxea etxearentzat izan da eta aipamena Arozamena-Iturralde familiarentzat; Legia-Kanttonberri-Eztegarako saria Pikabea-Goienetxe familiarentzat izan da eta aipamena Eltzaurdia-Ugalde familiarentzat; Berako saria Errandonea-Altzuri familiarentzat izan da eta aipamena Iratzoki-Erkizia familiarentzat; Agerrako saria Errandonea-Altzuguren familiarentzat izan da eta aipamena Apeztegia-Telletxea familiarentzat eta baserrietan, saria Begilekuko Saharrea-Martikorenarentzat eta aipamena Etxetxipiko (Itxaspi) Maria Jesus Agirrerentzat.
Kanttonberriko lorategia bere borondatez txukun mantentzeko Bittori Apeztegiak egindako lana ere saritu zuten Larun Haizpe elkarteak eta Berako udalak.