Jakina den bezala, legez debekatua dago ibilgailu motordunekin mendian barrena ibiltzea, bideetatik kanpo edo bi metro baino gutxiagoko zabalera duten bidexka, suebaki edo egurra ateratzeko bideetan barna.
Berako Kaule auzoko bizilagunak kexu debekatutako mendi pistetara ibilgailuak sartzen direlako
Foruzaingoak jakinarazi duenez, pista hasieran «hiru hizkuntzatan idatzitako kartel handiei kasurik egin gabe» motordun ibilgailuak Berako Kaule auzotik Larungo kaskora doan pistan sartzen dira. Bizilagunak kexu dira eta Elizondoko komisaldegiko foruzainek arreta jarri dute auzoan eta Larungo kaskoan ere zaintza-zerbitzua egin dute.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun