Halere, egoera pandemikoa ez dela ona gogorarazi du Berako udalak, «beraz ohiko osasun neurriekin jarraitzeko deia» luzatu du: «toki itxietan musukoa erabili; pertsonen arteko metro eta erdiko distantzia gorde; eskuak sarri garbitu; jende pilaketak ekidin».
Eraikin eta kirol instalazioak gaur irekiko dituzte berriz ere Beran
Covid-19aren egoera pandemikoa zela eta, uztailaren 16an Berako udalak igerilekuak, kiroldegia, Eztegara frontoia eta liburutegia ixtea erabaki zuen. Kirol ekitaldiak eta kulturalak ere bertan behera gelditu ziren. Berako udalak bando bidez jakinarazi duenez, gaur, uztailaren 26a, aipatutako ezohiko neurri hauek bertan behera gelditu dira, eta aipatu eraikin eta kirol instalazioak irekiko dira berriz, eta kirol eta kutur ekitaldiak egiteko aukera ere izanen da.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun