Hitzarmen kolektibo berria lortu dute Lesakako zahar etxeko langileek

Ladis Satrustegi Lesakako alkatea eta BegoƱa Arakues LABeko delegatua hitzarmena sinatzen.

LAB sindikatuak adierazi duenez, «negoziazio luze eta zail baten ondoren, akordio bikain bat lortu dugu». Akordioak «hobekuntza ekonomikoak zein eskubide sozialak dakartza».

Lesakako Andra Mari helduen egoitzako langileek akordio berria sinatu dute gaur, «hobekuntzak handiak ekarriko dituenak». Hauexek dira LABek lortutako baldintza berriak:

  • Indarraldiko urte bakoitzeko soldata igoera (%1 gutxienez urte honetarako, %1,5 2022an eta %2 2023an)
  • Baja profesional eta arruntetan %100 kobratzea
  • Antzinatasuna hobetzea
  • Kontratazio berrietarako zegoen soldata-maila bikoitza kentzea
  • Errelebo kontratuak eta ordezkatzeko lanaldi osorako kontratatzeen betebeharra
  • Gaueko lanaren plusa hobetzea
  • Norberaren aukerako egun ordainduak
  • Medikuarengana joateko eta ahaideak zaintzeko ordaindutako lizentziak hobetzea
  • Adinekoak zaintzeko eszedentzia 2 urtetik 3ra luzatzea
  • Kontratazio berrietarako probaldia murriztea
  • Nafarroako zahar egoitzen hitzarmenean adostu daitezkeen hobekuntzak zuzenean aplikatzea

Akordioak «hobekuntzak baino ez ditu jasotzen, atzerapausorik ez. Beste urrats bat da zaintza sektoreko langileak duintzeko».

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun