Pandemia egoerak «ezohiko neurriak hartzera behartu gaituela» adierazi dute alkateek oharrean eta «osasungintzatik datozen aholkuak betetzea ezinbertzekotzat» jo dute. Alkateek argi dute «birusaren transmisioa kontrolatzeko interakzio soziala murriztu» behar dela, eta «egoeraren larritasuna» ikusita uztailaren 26ra arte igerilekuak itxita mantentzea erabaki dute. Hortik aitzinera, egoeraren arabera erabakiko dute berriz ireki edo ez.
«Azken egunetan Bortzirietan Covid-19arekin kutsatutakoen kopurua goiti doala» ikusita uztailaren 16tik 26ra Bera, Igantzi eta Lesakako igerilekuak ixtea erabaki dute udalek. Etxalarko igerilekuak, aldiz, irekita segituko du eta astelehenean itxiko dute. Jakinarazi dutenez, «hortik aitzinera egoera nolakoa den aztertu ondotik erabakiko da berriz ireki edo ez».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun