Arantzako Udalak uztaileko larunbat guztietan auzolanerako deia egin du. Herrigunea txukundu, pintatze lanak egin, eskolan hainbat lan egin... Lan horiek auzolanean egin nahi ditu Arantzako Udalak, eta parte hartzeko aitzinetik apuntatu beharko da, bezperarako herriko etxera deituta, 948 63 40 05. Larunbat honetan, erraterako, eskolako gelak pintatuko dituzte eta izena ortziralerako eman beharko da.
Bide batez, 18 eta 55 urte bitarte dituzten herritarrek auzolana egin behar dutela oroitarazi du udalak. Zehazki urtean bortz orduko bi saio dira.