Bi eta sei lagun arteko taldeak joan daitezke Iriondoko garajera herria ezagun egin duten gaien inguruan jostatzera
Uztailaren 2az geroztik Escape Room jokoaz gozatzeko aukera dago Etxalarren. Herria bera ezagun egin duten kontrabandoa eta usategien gaia hartuz nagusiki, ihes gela prestatu dute Iriondoa etxeko garajean. Gerturatzen den taldeak 60 minutu izanen ditu bertan dauden pistak jarraituz gelatik ateratzeko, iragan hurbileko historia ezagutzeko aukera izanik, bidenabarkoan.
Bien bitartean, teknologia berriak eta ez hain berriak erabiltzeko modua izanen dute. Pertsona guztientzat pentsatutako jarduera da, baita gurpildun aulkietan mugitu behar dutenentzat ere.
Informazio gehiagorako eta erreserbak egiteko: www.etxalarescaperoom.com