'Erroak' eta 'Arkuak' gaietan Arantza Rodriguez Idiakez donostiarrarentzat izan dira sariak eta gai bakoitzeko 100 euro eta diploma hartu ditu. 'Zerura begira' gaiari dagokionez, Zizurko Jose Antonio Barros Domingez izan da saritua eta Bortzirietako bildumarik onena Fred Ramos Lasaga lesakarrak aurkeztutakoa izan da. Hauek ere ehuna euro eta diploma bana hartu dute, Beti Gazteko zuzendaritza batzordeko Amaia Telletxearen eskutik.
Txomin Ribera doneztebarrak irabazi du bildumarik onenaren saria Lesakako V. Argazki Rallyan
Ekainaren 6an egin zuten Beti Gazte elkartearen V. Argazki Rallyan 48 lan aurkeztu zituzten. Irantzu Pastorrek, Fidel Ordokik eta Lander Arbinak osatutako epaimahaiak hala aukeratuta, sari berezia Txomin Ribera doneztebarraren lanarentzat izan da eta egileak 150 euro eta diploma hartu ditu saritzat. 'Islada' gaiaren barne ere, Riberaren lana izan da saritua eta 100 euro eta diploma eman diote.
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.
Egin TTIPI-TTAPAren lagun