Garbitzaileak behin eta berriz kexatu direla jakinarazi du Berako Udalak, eta salatu dutenez, «zaborra non nahi zabaldua aurkitzen dute eta komunean paperontziak desagertu dira». Gainera, frontoi barrenean eta kantxan jendea bizikletarekin ibiltzen dela jakinarazi dute, «lohia eta zikina edonon zabalduz» eta hau pilotan aritu behar direnentzako kaltegarria dela adierazi dute «kantxa zikina egoten delako eta zolan kaltea eragiten duelako».
Jarrera hauek gaitzetsi nahi izan ditu udalak, «Eztegara frontoia kirol instalazio publikoa den aldetik, denoi dagokigu erabilera egokia egin eta zaintzea. Modu honetan herritar guztiek izanen dugu frontoi eder honetaz gozatzeko aukera».