Foruzaingoaren bertze esku-hartze batzuk Urdazubin eta Donezteben
Urdazubin gizonezko bat atxilotu zuten atzo. Foruzaingoaren prentsa-oharrean ageri denez, atxilotuaren gain epaitegiak emandako atxilotzeko eta bertaratzeko agindua zegoen.
Asteburu honetan ere, Foruzaingoaren Ikerketa Kriminaleko Alorrari atxikitako agenteek, Urdazubiko baserri batean gertatu den heriotza judizial batean parte hartu dute. Mediku batek heriotzaren arrazoia zein den ez dakienean edo ezin badu heriotza ziurtatu, kasu horretan «heriotza judizial» bat dela kontsideratzen da.
Donezteben, aldiz, iskanbiletan, karrikako edanean, borrokaldietan eta hiri-altzariak hausten ari zirelako deitu zituzten foruzainak.