Joan den ekainaren 6an egin zuten Beti Gazte elkartearen V. Argazki Rallyan 48 lan aurkeztu zituzten. Irantzu Pastorrek, Fidel Ordokik eta Lander Arbinak osatutako epaimahaiak hala aukeratuta, sari berezia Txomin Riberaren lanarentzat izan zen eta egileak 150 euro eta diploma jasoko ditu saritzat. 'Islada' gaiaren barne ere, Riberaren lana izan zen saritua eta 100 euro eta diploma emanen diote.
'Erroak' eta 'arkuak' gaietan Arantza Rodriguez Idiakez donostiarrarentzat dira sariak eta gai bakoitzeko 100 euro eta diploma jasoko ditu. 'Zerura begira' eta 'Bortzirietako bildumarik onena' gaien barne Jose Antonio Barros Domingez eta Fred Ramos Lasagaren lanak izan dira hurrenez hurren sarituak. Hauen ere ehuna euro eta diploma bana jasoko dute.