1983az geroztik Arantzako eskolako irakasle izan da Ixabel Danboriena eta urte hauetan guztietan egindako lana eskertzeko omenaldia egin zion Arantzako Guraso Elkarteak larunbatean. Txistu doinuak lagun dantzariak atera ziren eta hainbertze urtez lankide izan duen Juanita Larraldek, gurasoek eta ikasleek ere esker oneko hitzak izan zituzten. Beñat semearen bertsoekin eta guraso elkartearen oroigarria hartuta, giro ederrean borobildu zuten ekitaldia.