ORGANI-KOPA egitasmoaren azken-aurreko astearen emaitzak

Ttipi-Ttapa 2021ko eka. 29a, 12:00

ORGANI-KOPA Olinpiadak azken-aurreko astera iritsi dira. Maiatzaren 3an hasi zen Nafarroako Hondakinen Partzuergoak bultzatutako ekimen hau eta uztailaren 3an bukatuko da. Materia organikoaren birziklapena sustatzea eta zabortegietara bideratutako hondakin kantitatea murriztea du helburu.

	1. ASTEA	2. ASTEA	3. ASTEA	4. ASTEA	5. ASTEA	6. ASTEA	7. ASTEA	8. ASTEA	TOTALA
Igantzi	0,79	1,12	0,84	1,28	1,39	1,62	2,12	3,43	12,58
Bera	0,97	1,33	1,51	1,41	1,53	1,42	1,75	1,57	11,50
Lesaka	1,24	1,14	1,23	1,12	1,44	1,29	1,50	1,37	10,33
Arantza	0,82	1,04	0,75	0,80	0,64	0,70	0,75	0,86	6,36
Etxalar	0,66	0,44	0,55	0,54	0,60	0,40	0,96	0,67	4,82

Herri bakoitzak birziklatutako materia kopurua (kg/herritar bakoitzeko)

Irrisarri Landen laguntzarekin, Bera gainditu du Igantzik lehiaketa osoan lortutako kopuru handienarekin (3,43 kg) eta lehenengo postua lortu du. Bera eta Lesaka daude bigarren eta hirugarren postuetan hurrenez hurren, 11,5 eta 10,33 kilorekin. Arantza eta Etxalar gibelean gelditu dira, astero kopuru gutxien bildu dituztenak izan baitira (Arantzak behin bakarrik pasatu du biztanle bakoitzeko kiloa eta Etxalarrek behin ere ez).

Azken astea bertzerik ez da falta lehiaketa bukatzeko. Olinpiaden akabailan, hondakin gehien biltzen dituzten herriak sarituko dituzte Sakanako Mankomunitatean eginen duten sari-banaketan. Ekonomia zirkularrarekin loturiko 5.000 eurotan baloratutako saria irabaziko dute.

Gizartea Bortziriak

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.

Egin TTIPI-TTAPAren lagun