Arazo mekanikoengatik proba utzi behar izan zutenen artean zegoen Xabat Zapiain beratarra. Zapiainekin batera, Berako bertze bi gidari ere atera ziren proban, biak Ziharka Sport eskuderiakoak: Joxe Mari Mikelperizena eta Hodei Unsion. Hamaikagarren eta hamabigarren postuetan sailkatu ziren. Malerreka Motorsport eskuderiako Xabier Zubiri eta Jon Pikabea, berriz, hogeita seigarren eta hogeita bederatzigarren izan ziren.
Jende aunitz bildu zen larunbatean Beran, bai Toki Onako parkean egin ziren egiaztapen tekniko eta administratiboak ikusteko, baita ibilbideko 4,5 kilometroetan ere. Ziharka Sport eskuderiako Rebeca Aranburu izan zen parte hartu zuen emakume gidari bakarra.
Jendetza bildu zen larunbatean, bai Toki Ona inguruan egin ziren egiaztapen tekniko eta administratiboetan autoak ikustera, baita ibilbideko 4,5 kilometroetan ere.
SAILKAPENA
- Joseba Iraola (Jaizkibel eskuderia) 2.40.48.
- Ibon Beitia (Errebueltie Motor) 2.50.74
- Arkaitz Ordoki (Ignauto Motorsport) 2.52.63
- Beñat Población (Lagun Artea) 2.58.05
- Josu Urrutibeazcoa (Malerreka Motorsport) 2.59.05
- Arnaud Dardans (Lagun Artea) 2.59.54
- Daniel Jimenez (Ignauto) 3.00.32
- Aitor Manso (Jaizkibel) 3.01.63
- Bruno Scherer (Lagun Artea) 3.05.89
- Aitor Aristregui (RallyOn) 3.07.41