Iker Iriarte eta Mikel Leiza lesakarrek apustu ikusgarria jokatuko dute ekainaren 19an Lesakan. 09:00etan abiatuko dira Lesakako plazatik eta Igantziko bentetara trenbidez joan-etorria (13 kilometro) eginen dute lasterka. Ondotik, 20 kiloko karga hartuta, herriko plazatik Agiña kaskora goituko dira.
San Anton Egunean sortutako apustua izan zen eta herrian giro polita sortuko du. 300 euro paratu dituzte jokoan eta, adierazi dutenez, bi kuadrillen artean ere apustuak egin dituzte. Apustua akitzen delarik, poteo ttiki bat eta bazkaria egin nahi dute eta izena eman nahi duenak Arranon du aukera.