Eskusoinua, klarinetea, flauta, gitarra, gitarra elektrikoa, pianoa, tronpeta, tronboia, txistua, trikitixa, saxofoia, perkusioa, abesbatza, banda, musika eta mugimendua, musika hizkuntza eta ganbara musika eskaintzen ditu Lesakako Musika Eskolak.
Horretaz gain, 13 urte baino zaharragoek, solfeorik gabe musika tresnaren bat jotzeko aukera ere badute. Azkenik, oinarrizko musika ikasketak dituzten 13 urtetik goitiko ikasleek, Gazte eta Helduen Musika Taldeak ikasgaian izena ematen ahalko dute. Bertan, norberaren bakarkako lanaz gain, bertze lagunekin talde lanean ikasteko eta disfrutatzeko modua izanen dute. Honetaz gain, harmonia, tresna herrikoiak eta teklatua ere ikas daitezke.
Irailaren 1etik 10era, izena emateko bertze epe bat irekiko da.
Izen-ematea herriko etxeko bulegoan egin daiteke, 08:00etatik 15:00etara eta internetez, www.lesaka.eus webgunean. Informazio gehiago herriko etxean (948 63 70 05), kultur bulegoan (948 63 80 07) eta internetez www.lesaka.eus webgunean.