Joan den urtean ezin izan zuten Gasnaren feria ospatu pandemia egoera zela-eta. Aurten, ekitaldi xumeekin izanda ere, feria egitea erabaki du Etxalarko Altxata Kultur eta kirol elkarteak.
Larunbatean frontoian Bideak dokumentala proiektatuko dute 21:30ean. Eskualdeko hainbat herritan ibili dira dagoeneko dokumentalaren egileak, Aritz Ganboa eta Xabier Unanua, filma aurkezten eta proiektatzen.
Hurrengo egunean, ekainaren 6an, artisauen azoka izanen da frontoian 10:00etatik 14:00etara. Honez gain, Iriondoan baserriko tresna zaharren erakusketa eginen dute. Giroa alaitzeko, trikitilariak ere izanen dira.