Covid-19ak sortutako egoera «denari luze eta gogorra egiten ari zaigula» azaldu dute, baina «behin eta berriz errepikatzen ari diren jarrera onartezin» hauen aitzinean hausnarketa egitea eskatu dute.
Asteburuetan mendian eta karrikan «zaborra, tartean puskatutako kristalezko botilak» aurkitu izana salatu dute, baita «gainerako herritarrak kontuan hartu gabe gaueko ordu ttikitan karrikan musika jartzea eta builaka ibiltzea» normala bihurtu izana. «Gauzak hautsita» agertu direla ere salatu dute.
Elkar errespetatzea «elkarbizitzaren oinarria» dela diote, eta Lesaka herri ttikia izanda, «bakoitzaren jarrerak ondokoan eragiten duela» oroitarazi nahi izan dute.