Urtero bezala, Bortzirietako Euskara Mankomunitateak udalekuak eskainiko ditu haurren aisialdirako. Uztailaren 5ean hasiko dira aurten Bortzirietako bortz herrietan. Arantza, Bera, Etxalar eta Igantzin 4 astekoak izanen dira udalekuak, uztailaren 30era arte, eta 10:00etatik 13:00etara izanen dituzte jarduerak. Lesakan, berriz, abuztuaren 20ra arte izanen dira, eta ordutegia 09:00etatik 13:00ak arte izanen da.
Herri bakoitzak haurrak elkartzeko tokia jakinarazi du; Arantzan Herri Eskolan, Beran Ricardo Baroja ikastetxean 3-6 urte artekoak eta Labiaga Ikastolan 7-12 urte artekoak, Etxalarren Landagain ikastetxean, Igantzin bertako ikastetxean eta Lesakan Irain ikastetxean.
Prezioak aldatu eginen dira leku, aste kopuru eta matrikulatutako senideen arabera. Hona hemen prezioen taula:
Izen ematean hautatu daiteke zein astetan joan. Hurrengo esteketan egin daiteke matrikulazioa gaurtik hasita 31ra arte:
- https://www.bortziriak.eus/udaleku-irekien-izen-ematea-2021/
- https://www.bortziriak.eus/inscripcion-a-las-colonias-de-verano-2021/
Ordainketa egiteko epea ekainaren 4ean bukatuko da. Transferentziaren kontzeptuan haurraren izen-abizenak paratu behar dira, eta bi banku hauetako kontuetara egin daiteke:
- Caixabank: ES56 2100 5382 3822 0002 3257
- Laboral Kutxa: ES36 3035 0135 9113 5001 3416
Informazio gehiagorako 948 634 125 eta 680 650 650 telefono zenbakiak paratu dituzte eskuragarri.