Osasun zerbitzua eta lehen arreta hobetzeko egindako eskariek emaitzarik emanen duten ikusteko, «hausnarketa unea» izanen dute orain. Azaldu dutenez, azkeneko hilabeteetan egindako presioaren ondorioz, «hainbat aldarrikapen Osasun Saileko planen barnean sartzea lortu dugu». Orain gelditzeko unea dela diote, «hauek gauzatzen dituztela ziurtatzeko».
Plataformak eskerrak eman nahi izan dizkie mobilizazio eta elkarretaratzetan parte hartu duten guztiei. Era berean, herritarrei osasun politikari erne egoteko eskatu die.