Guztiok taldeak Lesakako Udalarekin, Osasun Etxearekin eta Obra Social "laCaixa"rekin antolatutako jardunaldia da. Aurten, behar bereziak dituzten haurren familiei zuzendutako 14. jardunaldia izanen da. 09:30ean hasiko dute ekitaldia Bortzirietako zerbitzuen aurkezpenarekin; ANFAS, ASPACE, Guztiok, Euskara Mankomunitatea eta Osasun zerbitzuak. 10:30ean ordu erdiko atsedenaldia eginen dute eta 11:00tan Belen Compains pediatrak hitzaldia emanen du. Gero, eztabaida-txanda eta proposamenak egiteko unea izanen dute.
Jardunaldian izena emateko galdetegia bete beharko dute interesatuek, dohainik izanen da eta publiko guztiari zuzendua; familiak, profesionalak, teknikoak, lagunak... Hitzaldia gaztelaniaz izanen da eta aurkezpena eta eztabaida elebiduna.