'Non dago Mikel?' dokumentala ikusgai izanen da apirilaren 25ean Lesakan

Dokumentalean Mikel Zabalzaren iloben testigantza ere ageri da.

Mikel Zabalzaren desagerpenari eta heriotzari buruzko filma igandean 19:00etan emanen dute Harriondoa Kultur Etxean

Mikel Zabalzaren desagerpenari eta heriotzari buruz mintzo den Non dago Mikel? dokumentala ikusteko aukera izanen da apirilaren 25ean, igandean 19:00etan Lesakako Harriondoa Kultur Etxean. Sarrera 3 euro kobratuko dute.


Sinopsia

Honela dio dokumentalaren sinopsiak: «1985eko azaroa. Guardia Zibilak, terrorismoaren kontrako operazio baten barrenean, Mikel Zabalza atxilotu du, autobuseko gidari gazte bat, beste batzuekin batera. Gainerako gazteak askatu dituztenean, tortura basatiak jasan izana salatu dute. Baina Mikel falta da. Agintariek ihes egin duela esan duten arren, bizirik aurkitzeko esperantza ahuldu ahala, Euskal Herriko kaleetan oihu bat adituko da gero eta ozenago: Non dago Mikel?».

Ion Arretxe, Idoia Aierbe, Garbiñe Garate eta Mikel Zabalzaren senide eta ilobak elkarrizketatuz osatutako 80 minutuko dokumentala da.

Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.


Egin TTIPI-TTAPAren lagun