Ageri denez, bart 02:10 aldera, ostatu bat hustu behar izan dute Beran. Barnean bederatzi pertsona zeuden edari alkoholdunak kontsumitzen, horien artean bi adingabeak. Azkenean 18 salaketa jarri dituzte: sei maskara ez eramateagatik, bertze sei etxeratze agindua eta ostatuen itxiera ordutegia ez errespetatzeagatik, hiru lokalaren barnean erretzeagatik, bat agenteekiko errespetu faltagatik eta bi lokalaren titularrari, ixteko ordutegia ez betetzeagatik eta barnean tabakoa kontsumitzea baimentzeagatik.
Parranda Berako Usategietan, «ostatuak itxi ondotik»
Bertzalde, Berako zenbait gaztek WhatsApp bidez zabaldua zuten mezuaren berri ailegatu zen Foruzaingora ere. Tenorea ailegatu zenean Polizia tokira agertu, hainbat gazte harrapatu eta salaketak jarri zizkieten.
