Lesakako Osasun Etxearen atarian elkarretaratzea egin dute berriz ere gaur, ‘Osasun Etxea zaindu!’ goiburupean, Nafarroako Osasun Plataformak deituta. 'Lehen arretaren defentsan' zioten paperak eskuetan eta ‘Osasun Etxea zaindu!’ zioen pankartaren gibelean egon dira ordu laurden batez. Asteazkenero 10:00etan biltzen dira Osasun Etxearen atarian.
Elkarretaratzean aipatu dutenez, «bizi dugun pandemiak agerian utzi ditu Osasun sistemak zituen gabeziak, telefonozko arreta hutsa, medikuen falta, zenbait espezializaziotan hutsuneak, zentralizatzeko arriskua…».
Nafarroako Osasun Plataformaren erranetan, «herriek bizirik segitzeko zerbitzuak beharrezkoak dira, despopulazioa ekiditeko, herrian bizi ahal izateko. Zuzenean edo zeharka, denei eragiten digun gaia delako, zaindu ditzagun gure osasun etxeak!».
Publizitatea eta erakundeen dirulaguntzak ez dira nahikoa TTIPI-TTAPAren eta ERRAN.EUSen etorkizuna bermatzeko, eta zu bezalako irakurleen babesa behar dugu aitzinera egiteko.