Lesakako Turismo Bulegoak ateak irekiko ditu Aste Santuan eta ondoko egunetan. Apirilaren 1etik 4ra eta 7tik 10era 10:30etik 13:00etara eta 15:00etatik 18:00etara egonen da zabalik eta apirilaren 5ean eta 11n, 10:00etatik 14:00etara. Apirilaren 6an itxita egonen da.
Lesakako udalak sei hilabeterako kontratatu duen Asier Oses Gainza beratarra izanen da Turismo Bulegoko teknikaria eta ondoko sei hilabeteetan ere bera ariko da lanean. Turismo Bulegoko lanez gain, udalarekin batera Turismo Plana gauzatzeko lanean ariko da Oses. Berriki etxebizitzarekin egin den bezala, turismo arloan ere herriko beharrak aztertu eta gai honen inguruan herritarren iritzia bilduko ditu.